سلام وئره نلرین سلامینی آل
گؤزونون اوستونه قاشی دوشمه سین
دوره ک دوسلارینا سؤز دئمک اولار
آدامین اؤزگه یه ایشی دوشمه سین
*
یاشیاسان محبتین نوروندا
دادا گله چؤره یین ده سویوندا
یولداش آختاردیغین عمور یولوندا
باری قیسمتیوه ناشی دوشمه سین
*
هامی یا ظفرلر چالینا بیلر
قدرلی قالالار آلینا بیلر
تخت ده اؤز تختیندن سالینا بیلر
کیشی لیک تختیندن کیشی دوشمه سین
*
«علی صفر اوغلو »چکمه انتظار
دونیا دا هئچ کس ده یوخدو اختیار
بنده آتان داشا دؤزمه یه نه وار
باشیوا آللاهین داشی دوشمه سین
Keine Kommentare:
Kommentar veröffentlichen