یئنه بیر غریبلیک کؤچوب داغلارا
سؤزو بولاغیندا، گور چاییندادی
قارتال زیروه لریده اؤز هاراییندا
ککلیک قایالاردا اؤز هاییندادی
*
مئشه لر ساریدان بیچیب دونونو
آل – الوان گئیینیب چوللر تزه – تر
یوخسا طبیعتین بویون باغی می
داشلارین اوستونه سپه له نیب زر؟
*
گونئی لر ازل دن ناخیشلانیب دیر
نرگیز رنگی چؤکوب یاماجا – یالا
یئنی دن گؤیریر یایلاق یئرلری
باهارا بنزه ییر پاییز آز قالا
*
Keine Kommentare:
Kommentar veröffentlichen