قیزلار ایستییر منی - وحید شکرزاده

 

نه اُولـوب نه لر چُونوب ، قیزلار ایسـتییر منی

بـــیری گؤز وورور منه ، بـیری سسلییر منی

بـیری ناز ائیلییری ، بـــــیری ایسته دیر اُوزون

بـــیری غمزیله باخیر ، بـــــیری یاندیریر منی

بـیری تیلفونون وئریر ، دییر زنگ اِئت منه سن

بــیری گول وئریر منه ، بــــیری دیندیریر منی

بــــیری شعر دییر منه ، بــیری نامه گُونده ریر

بـــیری اس ام اس وورور ، یازیر گؤزلییر منی

بئله بیر گول اُوغلانی ، نیه سن ایسته میسن

بیلمیرم هانسی یئتیم ، سنه پیسلییر منی

مجنونا هامّی بــــــــوگون ، گوزلرینده یئر وئریر

قالمیشام لیلا نـــیه ، گئنه ایسته میر منی

شاعیر : وحید شکرزاده