سحر - سحر سیغال وئریر
آینا قاباغا گول خانیم
تای اولماز داغلاردا لالا
گول گز یاناغا گول خانیم
*
وصفی یاییلیب محالا
ماشالله او خطی خالا
مشتاغام لبینده بالا
قایماق دوداغا گول خانیم
*
ملک زادا حوری قیلمان
قضا قدیین قیلیب کامان
منی حسرت قویما آمان
بلور بوخاغا گول خانیم
*
هوو چکیلیب قدی آیلار
آق اوزونده قارا خاللار
مدحین ائشیدن جاهاللار
دوشوب سراغا گول خانیم
*
علی عسگرم قادان آللام
گئتمه رم یانیندا قاللام
پروانه یم قوربان اوللام
شاما چیراغا گول خانیم
Keine Kommentare:
Kommentar veröffentlichen