مهمان گلیب - احمد شوقی تبریزی

جان پی انداز ائیله رم یاریم منه مهمان گلیب

قیلدی روشن قلبیمی اول سروری خوبان گلیب

کؤنلومون ویرانھ سین گویا کی آباد ائیله دی

دیل ائوین مامور ائدن بیر عادلی سلطان گلیب

یعنی بیر لقمان صفت دیر چاره ساز و دلنواز

ائیلھ کیم دائیم تفاخر دردینه درمان گلیب

آلمیشام یعقوب وش گول پیره ھندن بوینی

حسنی بر محبوب عالم یوسف کنعان گلیب

باش قویوب اقدامینا قیلسام تواضع یوخ عجب

مجلیسیم ائیلر منور کیم مھ تابان گلیب

ایچمیشم مئی گون لبین تا مست مخمور اولموشام

ساناسان بیر چشمی ساغر ساقی دوران گلیب

اینجی مم  گر ائیلسھ شوقی جفا یوز مین ستم

جانیما جوری فزون اولدوقجا ،  بیل احسان گلیب

باخدیلار - شاهین اسماعیل اف

گؤتوروب قلمی بیر جوت گؤز چکدیم
ندن سه بیلمیرم غملی باخدیلار
یاناغا بیرازجا تبسم وئردیم

اوستوندن بیر خیلی یاشلار آخدیلار
رسمیندن حیس لرین قاریشدی یامان
گؤزونده سئل لر وار ، اوزون سه گولور
گؤره سن نه دیر کی سنی آغلادان
دایانمیر گؤز یاشی گئنه سوزولور
قلمی الیمدن من یئره قویوب
اوتوردوم دوشوندوم کئچمیش گونلرده
همین آن حیس ائتدیم گؤزلرین دولوب
دوشوندوم رسمینی چکیم گئنه ده
بو دفه باشلادیم اؤنجه ساچیندان
چکدیم من قاشینی سونرا کیپلیک لر
گؤزلری چکمه یه باشلایان زامان
گئنه ده آغلادی او معصوم گؤزلر
فیکریمی بیر آز دا داغیتماق اوچون
قاشینین اوستونده چکدیم بیر بولغور
گؤزونده یاشینی گیزله تمک اوچون
یاناغین اوستونده بیرآز یاسینلار
بلکه ده یاشلاری گیزله تمک اوچون
لازیم دی ساچینی گؤز اوسته تؤکمک
بلکه ده یاشلاری گیزله تمک اوچون
لازیم دیر رسیم ده گؤزلره عئینک
یوخ ، یوخ نه ائتدیم اولمادی
گئنه آغلادین عئینین آلتیندان سوزولدو یاشلار
سونوندا بو رسمین یاریمچیق قالدی
نه باغچا چکرم نه ده اومود وار

قوربان اولدوغوم - میکائیل مشفق

بیلمم نئیچون منی آتمیش اونودموش

عهد و پیمانینا قوربان اولدوغوم

یوخسا اؤزگه سینه اوزونو توتموش

یئنی سئوداسینا قوربان اولدوغوم

من دلبری سوردوم گلیب گئدن دن

دئدیلر کوسموشدور باریشماز سندن

من امتناع  ائتدیم او قاچدی من دن

قاچقین اداسینا قوربان اولدوغوم

او منیم سئوگیلیم او منیم سونام

اوندان آیری دوشمز آچیلماز آینام

بیلمه م هاردا قالدی او نازلی دورنام

او خوش صداسینا قوربان اولدوغوم

آیریلیق اودونا کؤنول دایانماز

عشق اودونا یانان بیرداها یانماز

چکدیغیم ناله دن نئیچون اویانماز

شیرین رویاسینا قوربان اولدوغوم

هیجرانی قلبیمی یاندیرار یاخار

گؤزلریم یوللارا باخار هی باخار

مشفق سنه یانار سن سیز اودلانار

ایتمیش خیالینا قوربان اولدوغوم
*

حکیم - میکائیل مشفق

حکیم او دیلبردی ، اونا یاخشی باخ
مشفق دن یادگار قالاندی حکیم
کؤنلونو آلان یوخ ، دیلبریم دئیه
قالان خسته لیی یالان دی حکیم
*
بخت دوولت قوشودور اوچوب الیندن
ائل خبر توتماییب ائل گؤزلیندن
آییرما دیلبری قیزدان گلین دن
او گلین قالیبدی گلین دی حکیم
*
مشفق حسرتیدی بیر گولوشونه
ایندی گلن یوخهدو هئچ گؤروشونه
نه اؤزونه باخیر نه یئریشینه
ائوی یوخ دونیاسی تالاندی حکیم
*
دیلبر او دیلبردی یاش او یاش دئییل
آغاریب بوزاریب ساچ او ساچ دئییل
آیاغا دوشوبدو داها باش دئییل
دونیا قالدیراندی سالاندی حکیم
*
بیر گؤوروش کئچیریر بوردا بیر ته هر
مشفق دن خاطیره قالیسی دیلبر
اوندا او ساغالار اوندا دیریلر
گولده سولانماسا سولاندی حکیم
*

بسوزد - حیران خانیم

از سوز دلم چمن بسوزد
سرو و گل و نسترن بسوزد
آهی بکشم که از تف آن
هم سنبل و هم سمن بسوزد
چون آتش دل شراره ریزد
از شعله لب دهن بسوزد
احوال دلم بگو به دلبر
شاید که دلش به من بسوزد
شیرین صفتی کجاست کاو را
دل بر غم کوه کن بسوزد
حیران ز فراق ناله کم کن
ترسم که به لب سخن بسوزد