سن بونون باخما بوزوشموش زادینا
شفتالو لوئله سیدی باخ دادینا
ایسلادار قینانا قاخ ئوز ارینه
هولونی نیسگیل ائدر دامادینا
قیناتا تازه نی ساخلار گلینه
کهنه نی گییدیرر ئوز آروادینا
قینانا کوفتنی ساخلار قیزینا
پوخ یدیردر گلینون هر زادینا
قیزینی گورمسه ناراحت اولار
گلین ئیللر بویی دوشمز یادینا
دوشونن قینانانین یا گلینون
ایکی دنیا تاری چاتسین دادینا
هر آنا ائتسه خیانت گلینه
ائده جاقلار عوضین اولادینا
هر گلین قیناتا قورسا کلک
چالینار قینانالیقدا آدینا
قوجا دنیا قوجالان قینانادی
سری یوب مین گلینی زاد مادینا
بوغوب ئوز ارلرینی چم خمیله
ظاهری بنزیری خوشگل قادینا
ای کریمی عمل خیره چالیش
توش اولونجا اجلین صیادینا
آییق اول دنیا مکافات خانادی
قیز بوگون
قیزی صباح قینانادی
Keine Kommentare:
Kommentar veröffentlichen