Sonntag, Januar 20, 2013

یولچو - حسن زنگیمارلی



سون نفسيمي آلمادان اؤنجه
سون گؤل لريم سولمادان اؤنجه
قرار وئرميشم ، سئوگينله ياشييام
هرآن سنينله اولام
نيفرتله دولو بو قارانليق دؤتيادا
يارديم ايسته ينلره يارديمجي اولام
آلقيشلامالي اولانلاري آختارام تاپام
كيمليگيمه دؤنوب حيران ائدم هاميني
من كيمم ، كيم اولمالييام
وارليقيمي بيلديرم ، دانانلارا
ساعاتلاريم ، گؤنلريم هدر اولمادان
قات - قات دييرلي اولسون دئيديم
آغلاياندا ، گؤلنده ، دانيشماييب ديننده
يولچولوفدايام ... من سني آختاريرام
اؤزلؤگؤمه ساري ، تانرييا ساري گئديرم
تانيمادان بير تيكانلي يولدان
گئتديغيم يولون، گئري دؤنمه سي يوخدور
بونو بيليرم من
گئديرم، قؤنچالارين چيچكلنمسيني گؤرمه دن
چايلارين جوشوب چاغلاريني گؤرمه دن
حياتين گؤزليكلريني گؤرمه دن
يولا دؤشمه لييم ، گئتمه لييم من
اؤلؤمله اؤزلشسك اگر
نئجه دئييم كي ، ياشاديم من.

Keine Kommentare: