واخت

واختی بادا وئردیم هاوایی گئتدی
سنه وئریله سی واختیم قالمادی
اولاندا خرجله دیم بئله دن – بئله
من واختین ائوینی ییخدیم، قالمادی
*
هر آیین هر گونون دوردوم قصدینه
توخوندوم کؤنلونه، دیدیم شصتینه
آجی گونلریمین توتوب اوستونه
واختیمی نار کیمی سیخدیم،  قالمادی
*
قالان بیر من اولدوم بیرده کی آدیم
اوچدو اللریم دن آرزوم – مرادیم
واختی توپلامادیم، واختی وورمادیم
بؤلدوم قالیغینی چیخدیم، قالمادی
*
واخت ائله ایتدی کی دوماندا - سیس ده
واخت ائله گئتدی گی هارای دا – سس ده
قویدوم اللریمی گؤزومون اوسته
بویلاندیم آردینجا باخدیم، قالمادی
سنه وئریله سی واختیم  قالمادی
*
شاعر : ائلشن عظیم

گئجه لر آغلایان قادین

منیم چون گئجه لر آغلایان قادین
سنین گؤز یاشینا سوسامیشام من
قلبینه قارالار باغلایان قادین
سن آللاه باغیشلا قانمامیشام من
آللاهدان هدیه بیلیب آلدیغیم
حیات دا مقدس اینسان ساندیغیم
ایلک گوندن پیغمبر آدلاندیردیغیم
سنین اوجاغینا گؤوه نمیشم من
الیندن ایاغیندا اؤپدویوم قادین
هئچ ایاغینین توزو اولمامیشام من
حیات دا سئودیگیم یگانه قادین
سنه لایق اولا بیلمه میشم من
حیات دا هر زامان اوجا توتموشام
یوزلرله دوشمنین یوزلرله یادین
یانیندا هئچ زامان بیلدیرمه میشم
کیم دیرکی قلبیمده سئودییم قادین
اوشاق دک یوللاردا قالیب گؤزلریم
گؤرمه دیک جه بیرآزدا دلی اولموشام
بیلیرم قلبینه ده ییب سؤزلریم
واللاه من ایت کیمی پئشمان اولموشام
سیندیردین سئوگینین قولون قانادین
سن سیز چابالایان قوشا دؤنموشم
قارشیندا دیز چؤکورم سئودییم قادین
باغیشلا سهویمی باشادوشموشم
شاعر: احمد شاهید اف

بیلمدین - شاعر: چوبان اوغلو

من کی سنی خان ائله دیم، بیلمدین
کؤنلومه سلطان ائله دیم، بیلمدین
درویش اولوب هو هو دئییب در به در
کویده جولان ائله دیم، بیلمدین
دوشمانیوا شمشیریمی توولادیم
بیر قانا مین قان ائله دیم، بیلمدین
چوخلو خطالار گؤروب هئچ دینمه دیم
گؤزلری یان ائیله دیم، هئچ بیلمدین
انسان آدی چوخلارا لایق دئئیل
آدیمی اینسان ائله دیم بیلمدین
سن خواب راحت ده یاتارکن، دوروب
خوروز کیمی بان ائله دیم بیلمدین
خانیه زنبور کیمی عشقیوه
قلبیمی شان – شان ائله دیم، بیلمدین
سن حکیم آدین چکیب خسته یه
من اونا درمان ائله دیم بیلمدین
سن نن اؤتور سعنان اولوب چؤللری
ترک دین ایمان ائله دیم بیلمدین
گئت چوبان اوغلو باهارا سؤیله سن
جان سنه قربان ائله دیم، بیلمدین

سنه نه - ملا محمد هیدجی

دانیشما زاهید اگر سؤز ائشیتمه دیم ، سنه نه
من اؤز خدامه گناه ائتدیم - ائتمه دیم ، سنه نه
خدا بهشت برینی وئریب سنه ، منه نه
سنین گومانیوه من کامه یئتمه دیم ، سنه نه
نه چون منی سؤیوسن ، گئتمیشم کلیسایه
ده ییلدیر کعبه نصیبیمده گئتمه دیم ، سنه نه
منه اگر دئدیلر گل قیلاق دالیندا ناماز
باخوب صلاحیمه بو امره یئتمه دیم ، سنه نه
دئدیم من ائیله مه رم التفات دونیایه
یئریتدیم اؤز سؤزومو یا یئریتمه دیم ، سنه نه
*

ملا محمد هیدجی متخلص به مغنی – محل تولد: هیدج از توابع  زنجان – درگذشته 1314 هجری شمسی

کوسوب مندن - فیکرت قوجا

کوسوب مندن

آی شهرتیم، شانیم مینم
حالی پریشانیم، منیم
کوسوب من دن، ئوزگه لردن
منی سوروشانیم منیم

سن دؤن سنده، من دؤنمه رم
گونش سؤنر من سؤنمه رم
عذابیندن دئیینمه رم
وار بویله نشانیم منیم

بیرآزجا صبر ائله ای یار مهربان گلیرم

سنین یولوندا فدادیر بو جسم و جان گلیرم

وفالی بلبلونم حسرت جمالینله

چمن چیچکلری تک باغریم اولدو قان گلیرم

منه تسلی وئرن بیر سنین خیالیندیر

او دیلبره حالیم ائدین بیان گلیرم

بهشت اولا غربت گئنه جهنم دیر

وطن محبتی وئرمیر منه مجال گلیرم

منیم بو حالیمی « واحد » نیگارا تئز یئتیرین

اونودماسین او یار هر زامان گلیرم

سن گیزله دیب گول اوزونو
گل قارالما گونوموزو
سؤز ائیله ییب هر سؤزومو
کوسوب، باریشانیم منیم!

*

ای شهرت و شان من

حال پریشان من

ای که قهر می کنم و مرا

از دیگران می پرسد من

تو هم روی برگردانی من از تو روی برنمی گردانم

آفتاب غروب کند من غروب نمی کنم

از عذابت شکوه نمی کنم

اینگونه نشان دارم

...

ای یار مهربان یک کمی هم صبر کن می آیم

این جسم و جان در راه تو فداست می آیم

بلبل وفادارت هستم در حسرت جمالت

دلم مانند بلبلان چمن خون شد می آیم

مرا تنها خیال تو تسلی می دهد

حالم را به دلبر دیگری بیان نکن می آیم

غربت اگر بهشت باشد باز هم جهنم است

عشق وطن امانم نمی دهد می آیم

واحد این حال مرا به نگارم زود برسان

آن یار همزبان فراموشم نکند می آیم

...

تو روی گلت را پنهان می کنی

بیا روز روشنم را تیره نکن

ای که از هر سخنم حرفی درآورده

از من قهر کرده من

تو هم روی برگردانی من از تو رو برنمی گردانم

خورشید غروب می کند من غروب نمی کنم

از عذابت شکوه نمی کنم

اینگونه نشان دارم من