اؤزومدن ناراضی یام

طبیعتین کؤنول آچان
مین رنگی ، مین سسی وار
هر کؤنولون مین آرزوسو
مین رنگی ، نغمه سی وار
بو آرزولار ، بو نغمه لر
بو سس لر بیر سس کیمی
منیم سولقون سؤزلریمده
هئچ دیل آچا بیلدی می ؟
حیسیم درین ، سؤزوم سولغون
قلبیم گئنیش ، سینم دار
مندن اول دوغولوبلار
سینم ده کی دویغولار
سهو آتیلان آددیملاری
سونرادان آنلاییرام
باخیب وجدان گؤزگوسونه
اؤزومو دانلاییرام
سیز ای یانلیش آددیم لاریم
منی درده سالدینیز
من سیزله دؤیوشدوکجه
گون – گوندن چوخالدینیز
من حق حساب ایسته ییرم
گئجه لر گوندوزومدن
ناراحاتام ، ناراضی یام
عؤمروم بویو اؤزومدن
بیزیم صنعت دنیاسینین
قیریخ تئللی سازی یام
بیرجه بوندان راضی یام کی
اؤزومدن ناراضی یام

*

بختیار وهابزاده

*

سن دن خبرسیز - بابک قوجازاده

داغلارین باشینا دوشن قاردیمی
دوماندان خبرسیز چندن خبرسیز
کوکسومو گوینه دن اینتیظاردیمی
قلبیمدن خبرسیز مندن خبرسیز
قیردیم اوز عهدیمی من بیله بیله
حاققین وار یانیمدان کئش گوله گوله
ارییم اودونا گوی گیله گیله
من سنی سئومیشم سندن خبرسیز
آی محمد قیسمتین نلر نلرمیش
اوزاغ سایدیغیندا یاخین گلرمیش
سن دئمه داغلارا قار النرمیش
دوماندان خبرسیز چندن خبرسیز
من سنی سئومیشم سندن خبرسیز
آغارتدیم ساچلاری سندن خبرسیز
کؤچوب بیر داهالیق گئتدین یانیمدان
بوتون دویغولاری آلدین جانیمدان
ایتیب گؤرونمه ین ناکام آنیمدان
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
بیر سئوگی نیسگیلی قالیب دی منده
یاشادیغیم ایللر ایتیب دی چن ده
کاشکی بو حالیمی گؤرئیدین سن ده
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
سندن سونرا ظولوم ظولوم آغلادیم
نئچه کؤنول قیریب اورک داغلادیم
نه کیمسه نی سئویب نه بئل باغلادیم
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
نئچه واخت دیر سندن داها خبر یوخ
بوندان بویوک منه درد یوخ کدر یوخ
آنجاق کی بو گونلر داریخیرام چوخ
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
*

بیر بایاتی

سئوگی سئون مرد اولار
سئومیین نامرد اولار
سئویب آیری دوشه سن
باخ ، بو یامان درد اولار
*

آنا - حسین غفاری اردبیلی

گؤزلریم قربانین اولسون ، کوسمه مندن آی آنا
آند اولا اؤز جانینا سس وئر ، داریخدیم آی آنا
چوخ گئجه سن صبحه جگ ، قالدین اویاق لایلای دئدین
ایندی سن دینجل بیرآز، قوی من دئییم لای لای آنا
سن منه آلدین گئیدیردین حسینون قاره سین
من سنه آمما گئیدیردیم کفن ای وای آنا
گئت آنا اوغلو اؤلن زهرایه تاپشیردیم سنی
سن ده زهرا تک منی ، نوکرلریندن سای آنا
من دئدیم گول سن  اولوب پرپر داغیلدین گول کیمی
تاپمادیم چونکو سنه گول دن گؤزل بیر تای آنا
کاش دییئیدیم آی سنه ، گوندوز قالاردین پرده ده
هر گئجه یارسی چیخاردین سئیره مثل آی آنا
وئردیین سوت دن گرگ ، آرتیق تؤکم گؤز یاشیمی
گؤز یاشیم تک آخمییب صحرایه ، آخماز چای آنا
من دئیینده آی آنا ، سن جان دئییردین هر زامان
ایندی من جان سسلیرم ، سن وئیرمییرسن های آنا

یا حسین - حسین غفاری اردبیلی

یا حسین دردیمیزین سنده دی درمانی اقا

نا امید ائیله مه سن بیل ننه وین جانی آقا

آند وئرریک سنی گؤزلردن آخان اشک لره

اصغرین لب لری مثلی قورویان مشک لره

نیزه اوسته شهدانین یارالی باشلارینا

محمل اوسته باجیوین قانه باتان ساچلارینا

آند وئرریک سنی اللرده اؤله ن زهرایه

محرمی گؤز قاباغیندا دؤیولن مولایه

ای کرم صاحبی سائل لره احسان ائیله

قره کؤینک لریوین دردینه درمان ائیله

گؤرسن سین - حسین غفاری اردبیلی

کیم عاشق اولسا گرک قلبى یاره گورسه نسین
نه یاره بلکه گرک پاره - پاره گورسنسین
طریق عشقیده اؤلمک مقام اعظم دى
گرک صداقت عاشق نگاره گورسه نسین
و گرنه مدعى چو خدور بو هرزه دونیاده
هزار رنگه دوشر ، خوش قواره گورسه نسین
کئچن گئجه یوخودا وصل یاره چاتمشیدم
اومنظره گؤزومه ، کاش دوباره گورسنسین
دئدیم جمالیوه زلفون دوشوبدى پرده کیمین
الین فداسى اولوم ، چک کناره گورسه نسین
بویوردى کمالون اولسا جمالى بوشلارسان
دوز عاشق اول قره داش ماهپاره گورسه نسین
ستون شمع وصاله یازوبدیلار کى گرک
دوزعاشقین قانادیندا شراره گورسه نسین
دئدیم دوزعاشقووام امرائله یانیم کول الوم
ثبوت عرضیمه تا بلکه چاره گورسه نسین
بویوردى کیم یانان اولسا، اؤزى یانوب آلیشار
گؤزه تله مز اونا رمز و اشاره گورسه نسین
خلاصه بو ایکى مصرع ایکى قولاقینا 
گرک مثال ایکى گوشواره گورسه نسین
ستاره اولماقا گؤ رسون لیاقتون یوخدى
بولوت دا اولما ، چکیل قوى ستاره گورسنسین  

بهار گلیر

بایاتی لار- عزیزیم

عزیزیم سرین ائیلر / عزیزم سرد می کند

یئل اسر سرین ائیلر / باد می وزد و خنک می کند

ایکی دوستون آراسین / بین دو دوست را

بیر نامرد سرین ائیلر / یک نامرد سرد می کند

*

عزیزیم بیر گون دوشر / عزیزم روزی می افتد

آتلانان بیر گون دوشر / کسی که می پرد یک روز می افتد

دشمنه دوشن مئیدان / فرصتی که به دست دشمن افتاده

بیزه ده بیر گون دوشر / روزی هم به دست ما می افتد

*

عزیزیم تالان جانیم

اودلارا یانان جانیم

وای هارای آتام گئدیب

آتاسیز قالان جانیم

*

عزیزینم بویاندی

باغریم قانا بویاندی

هارای چکیب آغلادیم

سسیمه ائل اویاندی

*

عزیزییه م یوز ها یوز

سونام گؤلده یوز ها یوز

دوشمن گلیب دوست اولماز

یالواراسان یوز ها یوز

*
عزیزیم فنر کئچدی
بو داغدا فنر کئچدی
عزرائیل سینه ن اوسته
قلبیمدن نه لر کئچدی
*
عزیزیم یاسا منی
یار گه زیر یاسا منی
اؤلمه یین یقین اولدو
باتیردین یاسا منی
*

عزیزیم اودا یانار

اود دوشر اودا یانار

من دوشدوغوم آلاودا

گون گلر اودا یانار

*

عزیزیم قار قالانار

قار یاغار قار قالانار

دئمیرسن دوشوب اوللم

اوستومه قار قالانار؟

*

ای عکسیم - حسین سنجیده ، نجات

گؤزومده جانلانیر شیرین خاطره
باخدیقجا من سنه هر آن ای عکسیم
قاییتماز او گونلر بیرده سون کره
الیمدن گئتدی او دووران ای عکسیم
گل بیر آن قولاق وئر بوگون شاعره
گؤر منه نئیله دی زامان ای عکسیم
گئتدیکجه صداسیز قوجا ساحره
عومرومه سالدی او طوفان ای عکسیم
او یاشیل بساطیم دگی بیر-بیره
یازیما سوزولدو خزان ای عکسیم
بولودلار کیشنه دی یئل چکدی نعره
باشیمی آلدی چن،دومان ای عکسیم
باغیمدا الندی یارپاقلار یئره
قار یاغیب باشلاندی بوران ای عکسیم
قوندو قار باشیما قارا تئللره
آغزیمدان دوشدو چوخ مرجان ای عکسیم
چولقاندی اوره گیم هر آن کدره
دردیمه بولادیم درمان ای عکسیم
بوگون کی تاپیبسان یول بو دفتره
گل دیله بیر دانیش آمان ای عکسیم
سؤزلرین کؤنلومه قوی تسکین وئره
سؤیله ، سن جاوانسان جاوان ای عکسیم
آمّا یوخ ، سؤیله مه ، یالاندیر هیهات
*
 

چارپارا - فرید بجائی

 سؤيله ديم ، دوکتور چاليشما درديمه درمان اولا

جان گرَک جانان يولوندا عاقيبت قوربان اولا

تکجه بير آرزيم قالير دونيا دا اولسون والسلام

جان وئرنده، اللريمــــــــــده اللرين مهمان اولا ...
*   

جعفری یم - هوشنگ جعفری زنگانلی

 وارلیق دا بوتون وارلیغیمیز شعر و غزل دی

هر بیر غزلیم ائللر آرا ترکه مثل دی
من جعفری یم شعر یازارام ترکو دیلینده
تورکون بالاسی تورک اولا عالم ده گؤزل دی
منه حقارتیله باخمایین غزل کانی یام
واراق – واراق داغیلان ائلده شعر دیوانییام
منیم وقاریمی گئت چله خانه دن خبر آل
اخی پرست کیمی یم من ده عشق سلطانی یام
اولار کی عاشق دل خسته دیر تانیرلا منی
بو اؤلکه ده اؤلن عاشق لرین چیخان جانی یام
یاشیل چمن ده بیتن سینه داغلی بیر لالایام
نسیمی نغمه سی یم من فضولی نین قانی یام
آری کیمین دولانین گوللر اوسته ، بال گتیرین
آنام دیلی شیره دیر ، من او شیره نین شانی یام
بو فخردیر منه آذر ائلیم دی تورک دیلیم
منیم بسیم دی فقط سهروردی نی تانییام
سؤز اوستادیم بویوربدور کی خالق شاعیری یم
غزلچی جعفری یم ائللرین آدی سانی یام

بیر باخیش - هوشنگ جعفذی زنگانلی

هر گئجه نی صوبحه کیمی بی قرار
آغلامیشام آغلامیشام زار زار
گؤز به به گیمده گؤرورم من سنی
جمله گؤزل لیک لر اولور تار و مار
گؤیده بولود گؤردو سنی آغلادی
گؤز یاشینی تؤکدو یئره شار شار
پلاکلادی توزدان اوزونو چای چمن
گوللر آچیب اویناغا گلدی باهار
باش گؤتوروب اوینادی سو آخماغا
داش تپه یه چالدی باشین آبشار
دریادا دیل سیز بالیغین گؤزلری
قدرت – ی حق دن دانیشیر آشکار
بیر باخیشین عرشی ایشیق لاندیریر
یئرده ایشیق دان یارانیر شاهکار
لاله گؤزونده نه گؤزللیک گؤروب
تا گؤز آچان گوندن اولوب داغدار
گؤیده کی یئللر سنه خاطر اسیر
باشین اوجالدیر سنه خاطر چنار
بیرده سالارسان منی من سیزلیگه؟
سال کی گؤزومدن دوشه دار و ندار
سن کی منیم غصه لی قلبیمده سن
آخ گئنه من سسله نیرم ، یار ، یار
داد ائله دیم دادیمه ائللر گلیب
باشیما یکسر ییغیشیب قونشولار
هر بیری سؤز بیر دره دن باشلادی
قارقا کیمی سالدیلار هی قار – قار
گاه دئدیلر بو یازیغین قلبی دی
یا سرطان دردینه گلمیش دوچار
رنگی سولوبدور سارالیب گؤزلری
یا جیگریندن قیریلیب دیر دامار
یا دلی دیر بو دلی دیر بو دلی
یوخسا ندن صوبحه کیمی سیزلایار
آغلادی بیچاره قیزیم سؤیله دی
یوخ ، بابامین دا یئنی بیر دردی وار
« من بیلیرم ائوده دووارلار بیلیر
اؤلدوره جکدیر بابامی درد یار»

موغام - بختیار وهابزاده

داش اوره کلرده یانیب ، داشلاری سیندیردی موغام
حاققا دوشمن اولانی ، حاققا تانیتدیردی موغام
نه گومان ائیله میسن بونداکی طیلسیم لری سن
کورو آهیله قوروتدو ، سالی یاندیردی موغام
سو چیلر کیمدی اوره کلرده گؤزل تون قالایا
نئچه قصدیم کؤنولو ، کسدی دایاندیردی موغام
دفن ائدین سیز منی زابل سه گاهین مایه سینه
دئییرم بلکی منی بیر گون اویاندیردی موغام
چوخ کتابلار اوخودوم ظن ائله دیم بختیارام
منه چوخ مطلبی آهسته جه قاندیردی موغام
شاعر : بختیار واهابزاده

*
سایت جدید قایاقیزی
*

امام حسین مزاری اوسته - بختیار وهابزاده

زر زوا ایچینده آلیشیب یانیر
سردابه دؤشه مه تاوان سراسر
نئچه یوز ایلدیر کی بوردا ساخلانیر
امامین آدینا گلن نذیرلر
بو بساط ، بو جلال کیمین اوچون دور
باییردا ال آچیب دیله نیر ملت
ای امام ائولادی دئی بو نه گوندور

مسجد ده وار دولت کوچه ده ذلت
امام اوچون گلن بو دولت بو زر

نه وئردی اماما یالوارانلارا
یئره ائندیرمه دی بیر تکه گؤیلر

یئره گئجه گوندوز باش وورانلارا
دونیانین قریبه تضادلاری وار
آجلاردان توخلارا دوشرمیش نذیر
داش قاش ایچینده دیر اؤلو امام لار
دیری ائولادلاری لوت عریان گزیر

*

بختیار واهابزاده نین سیاحت نامه دفتریندن

*

سایت قایاقیزی / حکایتهای شهربانو ... زن متولد ماکو

 سایت قایاقیزی

http://gayagizi.com/

*

وب نوشته های قایاقیزی

http://gayagizi.com/blog/

*

بایاتی لار

آغلارام اؤز گونومه
گوله رم اؤز گونومه
فلک الیمه دوشسته
سالارام اؤز گونومه
*
آراز اولوب آخاردیم
یاخاما گول تاخایدیم
ایتگین گئدن یاریمی
آختارایدیم تاپایدیم
*
آچ ساچینی تئل باغلا
کمرین بئله باغلا
نا هر کسه سؤزون دئی
نه نامرده بئل باغلا
*
آلچالار آی آلچالار
بویاسی یاشیل چالار
منی گیزلی قویلایین
دوشن گؤرسه ال چالار
*

گون چیخدی یانی – یانی
آلیشدی یارین جانی
دستونلا دشمنی
یامان گونونده تانی
*
آی دوغدو قلب ایله ندی
گون دوغدو قلب ایله ندی
قرآن گتیر ال چالیم
بو قلب او قلب ایله ندی
*

آخشام دی گون قارالدی
گول تک رنگیم سارالدی
یاریم چیخیب گئده ندن
دنیا باشیما دارالدی
*
او تای دان باخان گؤزل
یاندیریب یاخان گؤزل
بیر جه منه رحم ائیله
ائویمی ییخان گؤزل
*
باغچا بار آلدی گئتدی
هئیوا نار آلدی گئتدی
من ده قال هوش باشی
ظالیم یار آلدی گئتدی

*

منه بیرآز اوندان دانیش- نصرت کسمنلی

منه بیر آز اوندان دانیش

آزدا اولسا یاشات منی

چوخ دولموشام ایچین ، ایچین

بیزآز آغلات بوشالت منی

*

منه بیرآز اوندان دانیش

دوروشوندان یئریشیندن

شیرین – شیرین گولوشوندن

گلیشیندن – گئدیشیندن

باجاردیقجا هر ایشیندن

نه بیلیرسن آخیر چالیش

*

منه بیرآز اوندان دانیش

باشین نئجه قاتماغیندان

ایسته یینه چاتماغیندان

گئجه راحات یاتماغیندان

منی راحات آتماغیندا

هر گون بیرآز اؤلدویوم دئی

*

منه بیرآز اوندان دانیش

سؤیله نئینیر جان یولداشیم

بو سئوگیدن جوشوم داشیم

قورو سؤزله اولسا بئله

اونا یئنه یاخینلاشیم

*

منه بیرآز اوندان دانیش

دانیش طبعین دیله گلسین

هر بیر سؤزون باغریم دلسین

روجوم بئله مزه له نسین

خاطیره لر تزه له نسین

*

منه بیرآز اوندان دانیش

قایتار منه گتیر منه

گئچمیشیمده ایتیر منی

دانیشدیقجا بیتیر منی

آل اونسوز بیر گله جکدن

منه بیرآز اوندان دانیش

اونا بیرآز مندن دانیش

*

هجران پوزوب دوزه نیمی

ساریب شعری غزلیمی

دئی کی تسلی اؤپمه ک دیر

اوندان یازام اوزه نیمی

گؤرن سن سن گؤزه لیمی

اونا بیرآز مندن دانیش

منه بیر آز اوندان دانیش

*

قارا پالتارلی قادین - رامیز روشن

کیشیلر بیر اولمور آتام بالاسی
قورخاغی وار ، ایگیتی وار
آما، اما
هر کیشینین اؤله ندن سورا
قبری اوستونده آغلیاسی ،
قاراپالتارلی آروادی ، گؤزل قادینا اومودو وار
سن اؤلنده کیم اولاجاق گؤزلرینی باغلیان ؟
قارداش می اولاجاق ، یاد می اولاجاق
بلکه بو دونیادا سنه ان چوخ آغلییان
ان چوخ آغلاتدیغین ، قادینین اولاجاق
گؤز یاشلاری باش داشینی یودوقجا
قبرین ایچینده قوردالانیب دییه جه کسه ن :
الهی نه بیردفه ساچینا اوخشامیشام
نه سیلمیشه م گؤزیاشینی
گؤزلریمه باتیر ایندی ، ساچینین هر دنه سی
ایللر بویو بو قادینا آخی من درد وئرمیشه م
گؤر ایندی نه چه کیب دردیمی
بو قادین باش داشیمی اوپوپ سیغارلاماقدانسا
یوموروقلاسا ، دؤیسه ، دؤیسه یاخجیدیر
قبریم اوستونده آغلاماقدانسا
منی سؤیسه ، سؤیسه ، سؤیسه یاخجیدیر
یئری ، یئری ، یئری قارا پالتارلی قادین
کیری ، کیری ، کیری ، قارا پالتارلی قادین
بو قبیرده مین قبیردن بیری دیر
باش داشیمی بسدی باسدین باغرینا
بوتون منی آغلیانلار کیریدی ، سنده کیری
قبریم دامیر ، آغلاما ، آغلاما ، آغلاما

 زن
مردها یک جور نیستند ، فرزند پدرم
ترسو هستند ، مرد هستند
اما ، اما
هر مردی پس از مرگش
بر سر قبرش
به زن گریان سیاه پوشش ، زن زیبایش امید بسته
پس از مردن تو چه کسی چشمانت را خواهد بست
برادر خواهد بست ، یا بیگانه
بلکه در این دنیا بشترین گریه کننده بر تو
زنت ، آنکه بیشتر گریانش کردی باشد
در هر آن که اشک چشمانش سنگ قبرت را می شویند
داخل قبرت در حالی که به خود می پیچی می گوئی
الهی نه یکبار گیسویش را نوازش کرده ام
نه اشک چشمانش را پاک کرده ام
اکنون هر دانه مویش به چشمانم فرو می رود
آخر من سالها به این زن درد داده ام
ببین چگونه درد مرا کشیده است
این زن به جای بوسیدن و بغل کردن سنگ قبرم
مشت بکوید و بزند و بزند ، بهتر است
بر سر قبرم به جای گریستن
فحشم دهد ، فحشم دهد ، فحشم دهد بهتر است
برو ، برو ، برو ، زن سیاه پوش
آرام باش ، آرام باش ، آرام باش
این قبر هم ماندد هزار قبر دیگر است
سنگ قبرم را به آغوش کشیدی
همه کسانی که بر من گریستند آرام شدند ، تو هم آرام باش
قبرم چکه می کند ،
گریه نکن ، گریه نکن ، گریه نکن

گولمک دن کئچیب - هوشنگ جعفری زنجانی

باشدان ایشلر ترسه گلدی، گولمه، گولمکدن کئچیب
چوخ یامان بیر درده دوشدوک دردی بیلمکدن کئچیب
باغ پوزولدو کند داغیلدی اؤلدو بولبول سولدو گول
شاختا چالدی باغلارین بارین، دریلمیکدن کئچیب
بو جهالت بیر مرضدی کیمسه دوتدور فاتحه
دور قبیر قازدیر کفن بیچدیر دیریلمکدن کئچیب
اختیار سیز عمرومون فرشین دار اوستن داره چک
قین جیلان آرخاجدان ایلمک چالما، ایلمکدن کئچیب
اؤز دیلیمدن آسلانیر باشیم، باشیمدان قورخمورام
فیکریمی برک ساخلایین، بوینوم اوزولمکدن کئچیب
جان سیزین، جان تبریزین، جان تورک لرین گویچک دیلی
قوی سؤزوم دیللرده قالسین، دیل بیچیلمکدن کئچیب
آی هاوار باغریم یاریلدی قوللاریمدان ساخلایین
قویمایین قلبیم سیخیلسین قد کیچیلمک دن کئچیب
*

عاصم اردبیلی درگذشت

استاد صالح عاصم کفاش معروف به پرویز که در شعرعاصم تخلص می‌کرد روز 13 دی ماه 1320 در محله قدیمی جمعه مسجد اردبیل در خانه پدربزرگ فقیدش شادروان غلام عسگر عاصم کفاش که از خادمین دربار حسینی و شاعری دلسوخته و بی‌تکلف بوده قدم به جهان هستی گذاشت. پدر بزرگ مرحومش اسم علی دارای ذوق ادبی بود و در راسته کفاشان بازار اردبیل به کفاشی اشتغال داشت.

ادامه مطلب در وبلاک : انجمن ادبی حافظ اردبیل
*

گئتمه 

سن سیز اوره گیم ناره گرفتار اولو گئتمه

کئچمیش قارا گونلر منه تکرار اولو گئتمه

مین دردیمه درمان گتیریب نرگس مستون

گئتسون دل سودا زده بیمار اولو گئتمه

اون دورت گئجه لیک آی کیمی ساچ کونلومه یوخسا

زولفون کیمی آیدین سحریم تار اولو گئتمه

کونلوم قوشو چیخمازدی چمن سئیرینه سن سیز

سنلن گوزلیم مایل گولزار اولو گئتمه

حاشا گوله بیر گول اوزومه دهر ده سنسیز

گولشنده ده گوللر گوزومه خار اولو گئتمه

جان نقدینه بیر نازینی ساتسون آلارم من

کیم من کیمی اول نازه خریدار اولو گئتمه

عشاق آرا باشیم اوجالار داغ کیمی قالسون

اغیار آرا عاصیم قوجالیب خوار اولو گئتمه

*