باخ - باخ - عاشیق علی عسگر

شریعت اوخویان، طریقت بیلن
حاق لیق ائیلییرسن حاق دینه، باخ – باخ
قالماییب دنیادا« منم» دئین لر
حضرت سلیمانین تختینه باخ – باخ
*
اوخودوغون قرآن هاردای، هانی!؟
هانسی یولا عوت ائدیر اینسانی!؟
سالیبسان زیندانا گؤزل بیر جانی
اقبالینا باخ، باخ، بختینه باخ – باخ
*
علی عسگرین کؤنلو گئییب قارالار
شفا بولمور قلبینده کی یارالار
قوجا صفا سوره ر، گؤزل سارالار
تاریخینا باخ، باخ، واختینا باخ – باخ

آراسیندا - عاشیق علی عسگر

تزه آشنالیقلا کؤهنه دوستلوغون
فرقی وار قیش ایله یاز آرا‌سیندا
نامردده قایدادی، کسر باسدیغین
هر کس حساب چکسین اؤز آرا‌سیندا
*
قودرتدن اوجالان ظلم ایله ائنمز
حاق‌دان یانان چیراق باد ایله سؤنمز
دوست دوستدان اینجییر، قلبینده دؤنمز
اولار بیر آز ارکی ناز آرا‌سیندا
*
علی عسگرم, غم و محنت دی یوکوم
فیل چکمز بو دردی, من نئجه چکیم!؟
حاق ایله ناحاققی آختاران حاکم
تاپار قولاق ایله گؤز آرا‌سیندا

اویناسین - عاشیق علی عسگر

بولاق اوسته دوران گؤزل

اللرینده گول اویناسین

سینه مه اوخ ووران گؤزل

سن دور اوینا ائل اویناسین

اللرینده گول اویناسین

آی قیز آی قیز ائل اویناسین

اللرینده گول اویناسین
*

نه قارادیر گؤزون سنین

لاله کیمی اوزون سنین

بال کیمی دیر سؤزون سنین

دوداق گولسون دیل اویناسین

دوداق گولسون دیل اویناسین

آی قیز آی قیز ائل اویناسین

اللرینده گول اویناسین
*

علی عسگرم واز ائیله دی

قیش گونونو یاز ائیله دی

قاش آلتیندان گؤز ائیله دی

سن دور اوینا ائل اویناسین

اللرینده گول اویناسین

آی قیز آی قیز ائل اویناسین

اللرینده گول اویناسین

کاراگؤزلوم - سلاح الدین بؤلوک

کاراگؤزلوم
شاعر : سلاح الدین بؤلوک

کاراگؤزلوم کار یاغدیردین باشیما
آجیمادین یاریم گؤزون یاشینا
سئودان ایله یاندیم یار آتشینا
سن ده بنیم گیبی یان کاراگؤزلوم
*
سنیم جراح جراح یارام کانیور
کؤنول هر دمینده سنی آرییور
گؤزلریم دنیانی بیر حوش گؤرمویور
چکیلدی گؤزومدن جان کاراگؤزلوم
*
بیر غریبیم یار یار یاندیم آتش ده
شیدا بلبل کیمی کالدیم آتش ده
آدینی سؤیله ریم ان سون نفس ده
دنیادان واز کئچدی جان، کاراگؤزلوم
*
کارا: قره ( سیاه)
کاراگؤزلوم: قاراگؤزلوم(سیاه چشمان)
بنیم گیبی: منیم کیمی( مانند من)
کانیور: قانیر( خون می آید، خون می چکد)
آرییور: آختاریر( می گردد، دنبال توست)
حوش: خوش
گؤرمیور: گؤرمور( نمی بیند )
کالدیم: قالدیم ( ماندم)

 

قوربان اولدوغوم

قوربان اولدوغوم
شاعر: سلاح الدین ساری قایا
نره یه باکسام، گؤزلریم سنی آرییور
چاپکین اداسینا، قربان اولدوغوم
دویدوم سن بیرینه سئودالانمیش سین
او سئون گؤنلونه، قوربان اولدوغوم
مولام قارا یازمیش آلین یازیمی
عاشقینلا چالاریم دردلی سازیمی
عؤمرومجه چکریم گؤزل نازینی
گؤزل نازلارینا قوربان اولدوغوم
قوران اولدوغوم، قوربان اولدوغوم