او قیزین تویودور

شاعر: نصرت کسمنلی
گؤیده اولدوز دنه – دنه
سایدیم اونو دؤنه – دؤنه
خاطره لر دیندی یئنه
آچیلما ساباحیم آچیلما
آچیلما ساباحیم
*
کیم دئییر، غم اویودور
هجران بیر درین قویودور
ساباح او قیزین تویودور
آچیلما ساباحیم آچیلما
آچیلما ساباحیم  
*
گؤی دن یئره  ائندی گونش
توی شامینا دؤندو گونش
منیم اوچون سؤندو گونش
آچیلما ساباحیم آچیلما
آچیلما ساباحیم  
*
چوخدا گؤی ده چوخ دو اولدوز
داها منده یوخدو اولدوز
هر شئیی اونودوب او قیز
آچیلما ساباحیم آچیلما
آچیلما ساباحیم  
*