سنی گؤره رم
داغلار غروب
سوکوتونا جوماندا
سنی آختارارام، سنی گؤره رم
چیسکینده، یاغیشدا، چم ده، دوماندا
سنی آختارارام، سنی گؤره رم
*
اوجا قایالارین، زیروه لرینده
جوشغون دئنیزلرین،شپه لرینده
سئودالی بلبلون، نغمه لرینده
سنی آختارارام، سنی گؤره رم
*
الوان بولودلارین، ناخیشلاریندا
بولور چشمه لرین، آخیشلاریندا
حیالی قیزلارین، باخیشلاریندا
سنی آختارارام، سنی گؤره رم
*
افق لر قیزاریب،شفق ساچاندا
گؤیرچینلر، قیزیلپرده ۀآچاندا
قویوز جئیران، داغ دؤشونده قاچاندا
سنی آختارارام، سنی گؤره رم
*
Keine Kommentare:
Kommentar veröffentlichen