ای گؤزللیک کعبه سی
ای گؤزللیک کعبه سی ، سن قبله گاهیم سان منیم
من گدای عشقینم ، سن پادشاهیم سان منیم
اؤزگه بیر جانانا جؤروندان شکایت ائتمه رم
هر جفا ائتسن ، یئنه ، اؤز دادخواهیم سان منیم
جان وئریب یا جانیم آلسان ، اختیاریم سنده دیر
عاجزم قارشیندا گویا کی ، ایلاهیم سن منیم
زولف و رخسارین اسیری ماها سالماز مهرینی
سن بولودلاردان چیخان ، بیر مهر و ماهیم سان منیم
صید قیلمیش کؤنلومو ، نازیله محزون گؤزلرین
مشک عنبر تیره لی آهو نیگاهیم سان منیم
من بو فقریمله سنین عشقینده فخر ائتسم نه اولار
دولتیم ، فخریم ، پناهیم ، عز و جاهیم
سان منیم
واحدم ، جانا ، فرحدن یوکسله ردیم گؤیلره
لطف ائدیب بیردم دئسن کیم ، خاک راهیمسان منیم
*
Keine Kommentare:
Kommentar veröffentlichen