Freitag, Juni 20, 2008

قارداش بایاتیلاری

قارداش گل آی قارداش گل
قارلی داغلاری آش گل
غربت ائلده کیمسه م یوخ
تؤکر گؤزوم قان یاش گل
..
قارداش قارداش قوش قارداش
قانادی گوموش قارداش
گئتمه یین واختی دئییل
آتین ساخلا دوش قارداش
..
دسمالین آغ ساخلارام
یووارام آغ ساخلارام
بیرداها بیزه گلسن
سنی قوناق ساخلارام
..
چالدی سازینی قارداش
پوزدو یازینی قارداش
دئییرم بیرداها گل
چکیم نازینی قارداش
...
برادر بیا آی برادر بیا
از کوههای پر برف بگذر و بیا
در غربستان بی کسم
خون می گریم بیا
..
برادر برادر پرنده برادر
پرهاش نقره برادر
حالا وقت رفتن نیست
از اسبت پیاده شو برادر
..
دستمالت را سفید نگاه می دارم
می شویم و سفید نگاه می دارم
اگر باز به خانه مان بیائی
مهمانت نگاه می دارم
..
سازش را نواخت برادر
نوشته را قلم زد برادر
می گویم دوباره بیا
نازت را بکشم برادر
..
آغلییان باشدان آغلار
کیپریکدن قاشدان آغلار
قارداشی اؤلن باجی
دورار اوباشدان آغلار
..
عزیزینه م آی قارداش
اوخون اوجو یای قارداش
اؤلسه باجیلار اؤلسون
هئچ دئمه سین وای قارداش
..
عزیزیم بیلن اولسا
گؤز یاشیم سیله ن اولسا
عزیز قارداشیم اؤلوب
دردیمی بیله ن اولسا
..
عزیزیم قارا باغلار
گؤی باغلار قارا باغلار
باغدا بلبلوم اؤلسه
قیزیل گول قارا باغلار
..
من غریب یوخ آغلارام
درمانیم یوخ آغلارام
عزیز قارداشیم اؤلوب
هامی دان چوخ آغلارام
..
عزیزیم پارا - پارا
اورگیم پارا - پارا
واخ سیز اؤلدون باغریمی
ائیله دین پارا - پارا

Keine Kommentare: