سو ای مولا - معجز شبستری

هر گئجه شامدان سورا اي ماللي   

قوي چيراغي قارشيوا آچ مقتلي

عقليوي ييغ باشيوا اوندان سورا

سؤزلري ازبرله قالا آنبارا

چكمه آل بير جفت رنگي لعلگون  

از براي پاي نحس شمر دون 

وئر چلنگر چرخه چكسين خنجري  

بعدها مست ائيله شمر ابتري

خنجري تاپشير الينه کافرين  

مرده شو يوسون گؤروم او اللرين

آل اله بير نيزه يا بير آرواشان  

دور داليدا، وئر آغان شمره نشان

چون آلار خنجر او ملعون دستينه   

ائيله فرياد ائيله آي، خخ  ديكسينه

بَرك چيغير ملت آييلسين خوابدن  

او قدر آغلات کي ، دوشسون تابدن

ايسته سن کی، طول تاپسين  مرثيه  

حكم قيل وورسونلار باشين نيزه يه

خلقه تأثير ائتمه سه بو ماجرا   

سؤيله شمره نعل وورسون آتلارا

قلبي داشدان برک دير بو ملتين  

آغلامازلار، خيمه گاهه سور آتين

وور داغيت، ياندير خيامي سربسر   

بلكه بو ظلم ائيله يه خلقه اثر

گؤرسن اولمور قامچيني آل دستيوه   

ائيله وورکي، داشلانا قان اوستووه

سال عروسي  آت دؤشونه بير زمان  

تا اوجالسين عرشه فرياد و فغان

توتماسا مجلس اي مرد کوسه   

شمردن آل خنجري وئر حارسه

باغلا اطفال يتيمي قول قولا  

تا دئسين کوسسون خالا: اي واي بالا

ائتمه سه بو هم اثر باجي لره  

مسلمي آت دامدان دوشسون يئره

دهره ني آل دستيوه قصاب کيمي  

قير قابيرقاسين عمر خطاب آيمي

چون بضرب دهره دوشدو تابدان  

ايكي شقه ائيله آس محرابدان

قووزا چوب منبره  وور دستيوي  

ملت ايرانه گؤستر شستيوي

قورخوسان گر پايه ي منبر سينا  

قوخما وور، سينسا قاييتديريق گئنه

گؤزلرين هامارجا آچ باخ گؤر نه وار  

خلقي گؤرسن يوخلاييب مثل ديوار

تازيانين وور سكينه  باشينا  

عمه سين غرق ائيله تئز گؤز ياشينا

قورخورام چيخسين ياديندان ساربان   

عقليوي ييغ باشيوا اي روضه خوان

بير قيلينج پارچاسي تاپ اي شوش قولاق  

خيردا بارماغين حسينين آس گؤراخ

خلق اگر وورمور باشا، چكمير هاوار  

سنده يوخ تقصير اي ميرزا قافار

پاس باسار قلبي آؤنول شاد اولماسا  

يعني آتده داد و فرياد اولماسا

بالشويكلر چونكي آلمير اييده ني  

بهت آپارميش ملتِ غم ديده ني

لؤلؤنو قويمور اوروسلار تيفليسه  

اوندان اؤترو شور دوشموش مجليسه

مشتري يوخ چون به آلوي قره  

او جهتدن شيعه لر وورمور سره

بير يانيقلي سؤز دئ کي ، خلق آغلاسين  

شمره بير بئل وئر فراتي باغلاسين

حكم قيل لشكر آلا ساغ و سولون  

چك قيلينجي سال علمدارين قولون

مجليسي گرم ائتمه سه بو سرگذشت  

حاضير ائتسينلر گرك بير دانه تشت

ساقييه امر ائيله گزديرسين مئيي  

چالسين هم سازنده لر تارو نئيي

خيزراني وئر الينه کافرين،  

سؤيله يا مولانه خوشدور ديشلرين

ائتمه سه بو سؤزده خلقي اشكريز  

عابد بيماري وئر جلاده تئز

بير قدر ظاليم يزيده وئر عاراق

تا کي، وورسون خلق شاققاشاق

راستيوا آئچسه او ظاليم حرمله

 سؤيله ملعون قوللارين تئز چيرمالا

چون فراتي ابن سعد  ائتميش قوروق  

قوي آمانه بير عدد اوچ پرلي اوخ

پارچالار چون اوخ بوغازي اصغري  

سنده وور يومروقلا سيندير منبري

آغلامير باخ گؤر اگر ملت گئنه  

مين سمندي سور مدينه شهرينه

نعره ايي چك از جگر مانند شير  

بوينووا شال عزا سال چون بَشير

راستيوا کئچسه خانيم ام البنين  

گؤز ياشين تؤك، سؤيله با آه و انين

ائيله اشك چشمله  ياش يايليغي  

گلميشم چون وئرمگه باش ساغليغي

بو قدر بيل اي خانيم در کربلا  

قالمادي آل عبادن بير دانا

اي خانيم چون بيتدي عبّاسين ايشي  

الي مين بوينو يوغون ظاليم آيشي

ائتديلر غارت خيامي بالتمام  

قالمادي بير شاهيليق زاد والسلام

مجلسه بو قصه هم اود وورماسا  

دوش آشاغي آل اليوه بير عصا

ييغ ايكي بازويه جمله قوتين

یار قافاسين ملت بي غيرتين

سيده، ملا يه، خانه باخماها  

هرنه گلسه راستيوا وور قورخماها

قورخماسن ، ايش دوشه گر مشكله   

وئر عصاني معجز آهن ديله

شوخلوخ - میرزاعلی معجز شبستری

دولتسرای ربیمه گئتدیم دونن گئجه

گؤردوم کی فرشی یوخ ، نئچه یییرتیق جیریق کئچه

عرض ائیله دیم بو فقرله بو افتضاح ایله

مین قصر سن  عطا ائده جکسن بیزه مئجه؟

شمعی گتیر ، چیراغی گتیر ، یاندی سینه میز

عشقین ندیر سنین بو چراغ معوجه

بیرگون اییل یاواشجا کلیسایه باخ گیلن

سیر ائیله عرشه ، فرشه ، جلاله بیجه بیجه

سن ده مرمت ائیله گیلن بو خرابه وی

معمار غافاره دئنه ، تا چکه ریجه

گؤردوم ایلن ووروب بئلینه گولدو قاه قاه

من عاقیلم دئدی ، وئرمم پولو گجه

یارب منی مؤاخذه ائتمه بو امرده

معجز سن ایله شوخلوغ ائدیبدیر دوشوب لجه

*

دیشب به دولت منزل پروردگار ( مسجد ) رفتم

دیدم بدون فرش ،  گلیمی پاره پوره

عرض کردم با این فقر و  تنگدستی

چگونه هزار قصر به ما خواهی داد

شمع و چراغ را بیار که دلمان آتش گرفت

علت عشقت به این چراغ کج و معوج چیست؟

یک روز  یواشکی به کلیسا بکن نظر

بر عرش و فرش و جاه و جلالش بکن نظر

تو هم این خرابه ات را مرمت کن  

بگو به معمارباشی غفار بکشد گچ به این سرای

دیدم دست بر کمر و با قاه قاه خنده

گفت : من عاقلم پول به گچ نمی دهم

یارب به خاطر این امر مؤاخذه ان نکن

معجز با تو شوخی کرد

*

گئجه گوندور - یحیی شیدا

نئی تک اوجالیر ، ناله ی زاریم گئجه گوندوز
سن سیز داها یوخ صبر و قراریم گئجه گوندوز
از بس گئجه گوندوزلری سایدیم سنه خاطیر
آرتیب دیل زاریمدا شراریم گئجه گوندوز
* 
شب و روز 
ناله ی زارم همچون نی بلند می شود شب و روز  
بی تو دیگر صبر و قرار نتدارن شب و روز 
از بس شب و روز را به هوای تو شمردم 
آه و شرارم از دل زارم افزون شده شب و روز

غزل - عباس بارز

سوزگون باخیشلار آلدی ایمدن توانیمی

کیپریک اوخ اولدو، دگدی دله تؤکدو قانیمی

سنسیز یاناردی عشق اودونا قان اولان کؤنول

سالدین بلای هجره اوجالتدین فغانیمی

ای کاش او ناز وغمزه سی جانیم آلان گؤزون

بیر گون بیلیدی دلده کی سوز نهانیمی

آزاده شاعرم دئییلم باغلی بیر یئره

من اؤز دیلیمله خلقه یئتیررم بیانیمی

کسگین قلم له فکرین اگر اولسا سازشی

قویماز زمانه محو ائده نام و نشانیمی

من بیر گول همیشه بهارم بو عصرده

یاز گؤرموشم عؤمور بویو فصل خزانیمی

عشقین متاع محنتی جان نقدینه ساتیر

نفعی ضرر حساب ائله باغلا دکانیمی

عاشق قوجالسا سئوگیسی گؤزدن سالار اونو

یا رب قوجالتما «بارز» شیرین زبانیمی.

گئجه لر - عباس بارز

تنگ اولور باشيما تك ليك ساري، عا لم گئجه لر

بير نفر اولمادي منله اولا همدم گئجه لر

عشقه بيگانه اولانلار نه بيلير كيم نه چكير

چكمه سين من چكني اهل جهنم گئجه لر

بير منم _ بير بو قلم ، بيرده بو ويرانه كونول

اوچوموزده گليريك ناله يه باهم گئجه لر

كيمسه بيلمز اورگيم سيرريني دونيادا منيم

ياز قلم دورما كي سنسن منه محرم گئجه لر

يارالي كونلومه كوندور وورولان ياره لره

مهربان يار الي ايستر قويا مرهم گئجه لر

نه وئرر گوندوزو مهلت منه هيجران ستمي

نه قويار باش يئره بير لحظه قويام غم گئجه لر

عشقينه صادق اولان جهديله همت كمرين

درد و غم چكمه يه باغلار بئله محكم گئجه لر

منده مجنون كيمي زنجيريده گوررم اوزومو

اوندا كي زولفون اولار گوزده مجسم گئجه لر

من چكن غم يوكونو بير گئجه چرخين بئلينه

قويسالار، پشت فلك غمدن اولار خم گئجه لر

پرده لي قويدو سوزون "بارز"ه فاش ائيله مه دي

سرَلر اورتويو بو قورخولو مبهم گئجه لر

یاسلی ساوالان - عباس بارز

هر زامانكي باخيرام باشينا قاروار گؤرورم
اوغلو اؤلموش آنا تك گؤزلرين آغلار گؤرورم
هر طرفدن چكيليب سينه‌وه داغلار گؤرورم
... آي آلان اوستونو غم چيسگيني، هر ياني دومان
آي ياغان باشينا غملر اودو، ياسلي ساوالان
گؤرموشوك يازدا كؤچك­لرده چيچكلر آچيلار
هر طرفدن چيمنين سينه­سينه گول ساچيلار
ماهني­لار قوشماغا باشلار يئنه­ده قوشماچيلار
ياز گليب گئتدي يئنه گولمه­دين اوچ آيدا بير آن
آي ياغان باشينا غملر اودو، ياسلي ساوالان
قرنيلر كئچدي سنين گولمه­دي بير لحظه اوزون
قانلي ياش تؤكدو سارالميش اوزونه ياشلي گؤزون
غصّه­دن دؤندو قارانليق گئجه اولدو گونوزون
نه سوران حاليني اولدو نه وئرن جيسميوه جان
آي ياغان باشينا غملر اودو، ياسلي ساوالان
آند وئررم سني او قانه بلنميش داشيوا
گئجه-گوندوز او گؤزوندن تؤكولن قان یاشيوا
اورگين درديني بيلدير او «سهند» قارداشيوا
سني وارليق- سني تانري- سني بو آه­ و فغان
آي ياغان باشينا غملر اودو، ياسلي ساوالان
سالارام ياديما بير لحظه او كئچميش­لريوي
تؤكولن سنگ جفائيله او دورر ديشلريوي
ايزلرم بير بير او حئيرت يارادان ايشلريوي
هامي­دان من سنين احوالينا آرتيق نيگران
آي ياغان باشينا غملر اودو، ياسلي ساوالان
ساكيت اول، آغلاما قوي بيرجه چكيلسين بو دومان
گون چيخيب ظولمتي بير يوللوقا قووسون بورادان
«نبي» گلسين، بوز آت اولسون يئنه داغلار آتيلان
«هجر»ين بلكه ييغيلسين گؤزو يولدان، آناجان
آي ياغان باشينا غملر اودو، ياسلي ساوالان
سؤندوره بيلمه­دي گؤز ياشين اور­كدن اودووي
چاغيريم قوي كؤمك ائتسين سنه اؤز اؤولاديوي
افتخاريله بوگون ذيكر ائده­رم پاك آديوي
مرد اوغوللار بئجريب خلقه وئرن شؤهرت و شأن
آي ياغان باشينا غملر اودو، ياسلي ساوالان
«بابكين»گئتدي سه بوش قالمادي آمما قوجاغين
دولودورمين ائله اوغلانلاريلا هر بوجاغين
نه قد‌ريئل اسه طوفان قوپا سؤنمز اوجاغين
اي بلالر سپري، خالقا يامان گونده آمان
آي ياغان باشينا غملر اودو، ياسلي ساوالان
چنلي بئلده «ده­لي­لر» قوي يئنه قورسون بوساطي
قوچ كوراوغلو يئنه جولانه گتيرسين قيرآتي
هئچ زامان اصلين ايتيرمز او كي دوزگوندو ذاتي
آند اولا آديوا، آي گؤزلري آغلار- ياشي قان
آي ياغان باشينا غملر اودو، ياسلي ساوالان
سن دؤيوشلرده بير آسلان كيمي دوردون آياغا
اوخ آتيلديقجا بيزه سينه­ني وئردين قاباغا
غم يئمكدن داها جانيم يئتيشبدير دوداغا
نه يامان گونلره گؤر قالدي بو احساسلي بالان
آي ياغان باشينا غملر اودو، ياسلي ساوالان
بابالاردان بيزه قالميش بو مثل هاممي بيلير
سو گلن آرخا دئييبلر يئنه بيرگون سو گلر
فلكين داش اورگين آه اوخو آخيردا دَلر
«بارز» اوغلوندا يئتر سئوديگي ياره او زامان
آي ياغان باشينا غملر اودو، ياسلي ساوالان

یاواش یاواش - میرزا محمد بخشی

سینیم آلتمیش بئشه چاتاندان بَری  

دنیا منه اولور دار یاواش - یاواش

ببولبولویدوم گل چیچکله اویناردیم  

یولومدا گورسنیرخار یاواش یاواش

عمرومده بیر کَسه پیس دئمه میشدیم  

تملق ایلییپ باش اَیمه میشدیم

اوجا باش داغ کیمین اگیلمه میشدیم  

ایندی یاغیر باشا قار یاواش یاواش

اهل عیال چکیلیر قونشو پیس باخیر  

چوخ یوخون دوستلاریم دای اوزاقلاشیر

پوز ارییر ، منی یاندییر یاخیر  

اؤستؤمه گتیریر جار یاواش یاواش

سلام وئرن سلاممی کسیپدی  

قوهوم قارداش یالان یئره کؤسؤپدی

گؤزؤم نوردان دیز طاقتدن دؤشؤپدی  

طرلان یئرین آلیرر سار یاواش یاواش

هر کیمی گؤرورم پیس باخیر منه  

دانیشسام طعنه لی سؤز آچیر منه

افاده ائیلیور ناز ساتیر منه  

کسیلیپ باغلاردان بار یاواش یاواش

«بخشی» دییر دؤنسون فلکین چرخی

قوروسون آرازین داشقینلی ارخی

عمروم باشا چاتیپ قورتولان وختی

دای باخمیر ئوزومه یار یاواش یاواش

*

آهسته آهسته

از وقتی که سنم به شصت و پنج رسیده

دنیا هم بر من تنگ شده آهسته آهسته

همچون بلبل همراه گل و غنچه بودم 

بر سر راهم خار می روید آهسته آهسته 

در تمام عمرم با کسی بد نبودم

یا به تملق تعظیم ننمودم 

همچون کوه پر غرور سر خم نکرده بودم

بر سرم برف می بارد آهسته آهسته      

اهل و عیال کناری می کشد

همسایه بد نگاهم می کند 

دوستان نزدیکم فاصله می گیرند

یخ هم مرا می سوزاند و خاکستر می کند

فریادش یه گوشم می رسد آهسته آهسته

سلام دهنده حق سلام را قطع کرده

دوست و فامیل بی دلیل قهر کرده 

نور چشمم قدرت زانویم کم شده

سار جای ترلان را می گیرد آهسته آهسته

هر کسی بد نگاهم می کند

حرفی بزنم بد جواب می دهد

افاده و ناز برایم می فروشد

یار باغ را ترک می کند آهسته آهسته

بخشی می گوید : الهی که چرخ فلک برگردد

آب ارس خشک شود

به هنگام تمام شدن عمر م

یار دیگر نگاهم نمی کند آهسته آهسته

یوردومون باغری یاریلدی- حسین ریاضی

یوردومون باغری یاریلدی

طایفا-تیفاغیم داغیلدی

قاراداغا اولان اولدو

سینم داغلاندی- داغلاندی



گئجه‌یه دؤندو گوندوزلر

قان آغلادی داغلار – دوزلر

آلوولاندی ، یاندی سئوزلر

سینم داغلاندی – داغلاندی



ائل‌لر منه درمان وئرین

اومید یوخسا گومان وئرین

کؤنلوم سسلی کمان وئرین

سینم داغلاندی – داغلاندی

شاعر : حسین ریاضی متخلص به ایلدیریم - وبلاک توت آغاجی

*

زلزله 2 - نادر الهی

بایاق آجیقلانیب طیفیل    اوشاغا

تاپیم گویلون آلیم، دئیب تله سیر

آراییر،    آختاریر      باشی آشاغا

ال لری  تیتره ییر، اوره گی  اسیر

هله  بیرآزداگئی  بو  کوهنه لری

بایراما چوخ قالیر،  نه خبریندی؟

بایاق  آجیقلانیب، بایاقدان  بری

اومیدی  دایازدی  غمی  دریندی

آراییر    آختاریر، یادینا    دوشور

نازلانا نازلانا کوسوب قاشماغی

تورپاغی آریدیر   تورپاغی ائشیر

تورپاغدان تاپیلر بیرتای باشماغی

بالاتک   باشماغی      باغرینا       باسیر

مله ییر       بولوت تک   او،        یاغا یاغا

چشمه  قولاغ  آسیر  چای  قولاغ  آسیر

سس دوشور دره یه، سس دوشور داغا

کوسولو    بنوشه م!   یارالی  لالام!

من  بایرام  هوسلی  نه تهر   قالیم!

گل تزه سین آللام ،  گل نازلی بالام

کوهنه باشماغی نین قاداسین آلیم.....

*

از وبلاک نادر الهی

*

زلزله 1 - نادر الهی

یئر تیتره دی، داغلار داشلار     لاخلادی

سن ده  تیتره، سن ده  لاخلا،  آقارداش

بیز یوباندوخ....... اؤلوم  سنی  یوخلادی

چیی کرپیچ له، چیی سوواقلا، آقارداش

طالع     طالع    ییخیلان     دامداشیندی

اورموگولو،  قوروچای   گؤز      یاشیندی

گؤرورسن کی    اؤز الین   اؤز باشیندی

اؤز یارانی      اؤزون باغلا،       آقارداش

گؤز آچاندان    اونا بونا    آغلادین

یاغا  یاغا،      یانا یانا      آغلادین

آتا آتا،            آنا آنا        آغلادین

اؤزونه ده  بیرگون آغلا، آقارداش

بو قونشونون     اویما  یالان     فیتینه

بویانماسین    قوی کورکوموز   بیتینه

او توی   توتسون   پیشیگینه     ایتینه

سن یاسینی  اؤزون ساخلا،  آقارداش

یاسا     چاغیر    اردبیلی     موغانی

ناله نی،    شووه نی،   آهی   فغانی

غریب   اؤله ن    هریسی     ورزقانی

اؤزون اوخشا،   اؤزون آغلا،   آقارداش

*

از وبلاک نادر الهی

*

آی منی مجنون ائلیین - وحید شکرزاده

آی منی دیوانه اِئدن گُوروم کی شـــــــــــــیدا اُولاسان

سن ده منیم درده دوشـــــوب اسیر سئودا اُولاسان

اُو قارا گؤزلـــــــــــــــرله گوزل سن منی رسوا اِئله دین

گُوروم کی سن عاشیق اُولوب دونیادا رسوا اُولاسان

عشقیده دیوانه لیغیم سالــــــــــــــیب دی دیللره منی

گُوروم کـــــــــــی دیوانه اُولوب دیللرده پیدا اُولاسان

دامجی قَدَر سئوگـــــــــینی سن ئورگ ده دریا اِئله دین

گُوروم کی سنده منه تای سئوگی ده دریا اُولاسان

آیری سالیب دی دونیادان کونلومی عشقین گـــــــوزلیم

گُوروم کی آی قیز منـــــــه تای تارک دونیا اُولاسان

ایضافه سوز بسدی بوگون قوی کی دییم سُون سوزومی

آی منی مجنون اِلیین گُوروم کـــــــی لیلا اُولاسان

نظر اولموز - وحید شکرزاده

هیجران گئجه سی چوخ اوزانیب هئچ سحر اُولمور

بختیم ائله یاتمیش کی دوروب بخته ور اُولمور

ایشدیردی منه دونیا ائله بــــــــــــــیر آجی شربت

عالم ده کـــــی بالدا بو دیلیم ده شکر اُولمور

سئودیم کی چَکَم گول اوزووی بــــــیر دفعه شعره

قالدیم کی نیه بو ایشه هئچ بیر هونر اُولمور

اُؤلدوم یاریــــــــــــــــمین آیریلیقین دان آمان آللاه

یانمیش گوزلیم دن ده مــــــنه بیر خبر اُولمور

کافر ده سوزومنن بـــــــوشالیب رحمه گلیب دی

ظالیم نه دن آخــــــــر بو ئورگ ده اثر اُولمور

حیران دی بـــــــوگون مجنونا عالم ده کی قیزلار

بیلمم کـــــــــی نیه لیلا دان آخر نظر اُولمور

یار گله جک - وحید شکرزاده

گــــــله جک یار گله جک دردیمه درمان گله جک

بـــــــو اُولو جیسمه ایلاهی تزه دن جان گله جک

عیبی یوخ کی بوراجان هیجرانا صبر ائیله میشم

وصلیمه عاشیق اُولان اُو مــــــــــه تابان گله جک

کونلومون هر یئرینه من سو سَپیپ پاک لامیشام

چون کی قلبیمه قوناق سئوگیلی جانان گله جک

دؤزموشم چـــوخلی زاماندی یاریمی صید ائلییم

شانسا بــاخ اُووچویا مهمان دلی جیران گله جک

اُو شیرین یار کـــی منی گؤزلری حیران ائله میش

خـــوش گلیب گلماغینا جان اُونا قوربان گله جک

چاتدی هیجران باشا یارب سنه چوخ شکر کی بوگون

مجنونـــــون سئوگیلیسی لیلی دوران گله جک

دی ای جئیران - وحید شکرزاده

گؤزل یاریم ده سن آخر کی من دن نه خطا گؤردون ؟

منی سن تــک قویوب گئتدین مگر جانا جفا گؤوردون ؟

خطا یاپدیم منی اُؤلدور ولی آخر بــــــــو نه اینصاف

کی هیجران دردینی ای یار منیم جورمه سزا گؤردون

ده ای جیران منیم چیرکین بو ظاهیردن خوشون گلمیر ؟

و یـا این کی بو موددت ده منی سن بی وفا گؤردون ؟

سنه قالدیم کی کیم بویله منی پیس دن ده پیس ائتدی ؟

کی من دن آیری گزماغی اُؤزووه سن روا گؤوردون

گؤزل سویله منیم بو شیطنت لردن چکیلدین سن ؟

و یــــــا اینکی منی آخر اُؤزون دن ده بلا گؤردون ؟

سؤزون اصلین منه سن ده وگرنه بول بو دور فیکریم

منی سن شاه بیلیردین لیک گلیب بیردن گدا گؤردون

شاعیر : وحید شکرزاده

*

یاندیردی بو داغلار بیزی - موغان اوغلو

سیغینمیشدیق قوجاغینا
یاشادیردی داغلار بیزی.
بیر دهشتین فلاکتین
آجیلاری داغلار بیزی.
سیلکه لندی آللاه آمان
اهر هریسله ورزیقان
یاساباتدی آذربایجان
یاندیردی بو داغلار بیزی
قویدو گؤزو آغلار بیزی.
فلک بیزه داشین آتدی
نئچه عمرون سونو چاتدی
آنا بالا قانا باتدی
یاندیردی بو داغلار بیزی
قویدو گؤزو آغلار بیزی
(موغان اوغلو)قان آغلادی
اورک یاندی جان آغلادی
بیر آذربایجان آغلادی
یاندیردی بو داغلار بیزی
قویدو گؤزو آغلار بیزی..