بایاتیلار

دئدیم شیرین اول دیلیم
بیر آز حلیم اول دیلیم
سن کی کوسدوردون یاری
دیلیم - دیلیم اول دیلیم

*
قرنفولم دسته یم
بولبولم قفس ده یم
خبر وئرین یاریما
حسرتیندن خسته یم

*

گؤی ده اولدوز اللی دیر
اللی سی ده بللی دیر
سئویله جک گؤزلین
گؤزلریندن بللی دیر
*
عزیزیم نازلی یاریم
باشیمین تاجی یاریم
اوزونده گؤز ایزی وار
سنه کیم باخدی یاریم

*

لئچه یی دوشوب باشدان
کئچمه رم قارا قاشدان
سنین آلا گؤزلرین
چیخاردیب منی باشدان

*

بو داغلار قالا داغی
بورویوب لالا داغی
هر داغ اولسا چه کیلر
چه کیلمز بالا داغی
*

سو گلدی دولدو بنده
آخدی تؤکولدو کنده
اوره ییمه اود دوشدو
یار بوینونو بوکه نده

*

صیاد داغدا توز قورماز

قوروب بوینونو بورماز

سینیق قابا پینج قویسان

گئنه گئده ر سو ، دورماز

*

سئل گلر دوزه باخماز

قونور گؤز گؤزه باخماز

یاری اوره کدن سئون

هر دئیه ن سؤزه باخماز

*

فلکین بیر گولو وار

سینه مده دوگونو وار

سن بو گونه شکر ائیله

بوندان بئتر گونو وار

*

بو داغلار قوشا داغلار

وئریب باش - باشا داغلار

یاریم سن ده گزیب دیر

سنی یوز یاشا داغلار

*

بولاق اوسته داش اولایدیم

سو ووردوقجا یاش اولایدیم

یار بولاغا گلن زامان

اونونلا یولداش اولایدیم

*

بولاغ اوسته دوران گؤزل

قولتوغوندا قرآن گؤزل

قرآن سنه غنیم اولسون

اؤز عهدینی دانان گؤزل

*

دره دیبی داغ اولسون

اتکلری باغ اولسون

اؤزگه دن هارای اولماز

منه یانان ساغ اولسون

*

منی جانیم یاندیریر

قاینار قانیم یاندیریر

عالمی اود یاندیرار

منی خانیم یاندیریر

*

صیاد الده کماندیر

اوخون آتما آماندیر

یاری انتظار قویان

یار دئییل پیس زاماندیر

*

قلبی قارا قازاندیر

دیلیم عرضه یازاندیر

فلکه بئل باغلاما

فلک پرگار پوزاندیر

*

منی ووردو بوز ایلان

گؤزوم دولدو توزیلان

منیم کیمی وارمی هئچ

بوستانی گؤی پوزولان؟

*

گؤرونور اذان یئری

قبرینی قازان یئری

گؤه سن بیرده گؤرم

گول آتام گزن یئری؟

*

قوشا باخ ها قوشا باخ

قانادی سینمیشا باخ

عالمه یاغیش یاغدی

بیزه یاغان داشا باخ

*

 

بایاتیلار - تبریز

تبریز اوستو میانا

گول سونبوله دایانا

اوخو بلبلوم اوخو

یاتمیش بختیم اویانا

*

تبریز اوستو مراغا

تئلیم گلمیر داراغا

منیم یاریم اوشاقدیر

اؤرگتمیون عاراغا

*

تبریز اوستو گونئیدی

شوشه لر دولو مئی دی

یاردان بیر کاغاذ گلدی

بوتون عرضی گیلئیدی

هارا گئدیرسن

هارا گئدیرسن - حاتم احمدی
دوشوبسن یوللارا هارا گئدیرسن
آرخانجا سورونور بیر یانان اورک
غم – کدر داغیلیر آددیملاریندان
ندن دیر گئدیرسن من بیلیم گرک
منه سؤز وئرمیشدین گؤروشن زامان
آیریلیق آدیندان نفرتین گله
نه من آیریلانام نه سن آیریلان
سنی بو امیدنن گتیردیم اله
هر نه یین حدّی وار انصافین اولسون
سنه محبتیم آرالماییبدیر
سئوگیله دوروبدور اوره ییم منیم
آیریلیق دردینه یئر قالماییبدیر
نه اولدوبدور سنه اؤز اوره ییندن
گؤزوندن گؤرونمور سئوگیدن اثر
هئچ نه غم دن باشقا قالماییر منه
*

فضوللوق

فضوللوق - حاتم احمدی
بیر عدّه اینسانین قالدیم ایشینده
کولک هارا اسیر، اورا اسیرلر
قاش آلان دئییرلر، گؤز چیخاردیللار
یول آچان دئییرلر، یولو کسیرلر
*
قییغی گؤرموللر اؤز گؤزلرینده
ملّتین گؤزونده، توکو گؤروللر
چالپاشیق تئللرین داراخلامیرلار
خیالدا ملّتین ساچین گؤروللر
*
گلین قایدالاری هئچ واخت پوزمویاق
ملتین ایشلرینه باش قوشمویاق
یئرینده یارادیب تانری هرنه یی
باش بدن ده اولار اوردا - بوردا یوخ
*
دنیادا فضوللوق یاخجی ایش دئیل
یالنیز اوره یینده چوخالدار دردی
اینان فضوللوقدا بیر شئی اولسایدی
تانری بو عملی ثواب ائده ردی
*
خالقین حیاتیندان چک آیاغینی
سنی یئریتمک دی، آیاغین ایشی
اگر اوردا قالسا، اؤزون قالارسان
گئت کی قالماغیوین یوخدو ارزشی
*

بایرامدی او گون - حاتم احمدی

شاعر: حاتم احمدی
هانسی گون غم دن اورک دولمادی، بایرامدی اوگون
هئچ اوشاق دنیادا آج قالمادی، بایرامدی اوگون
هانسی گون کلِّ بشر، پول – پارایا بنده دییر
هئچ کسین دانیادا حاققی، من ایله سن ده دییر
بالاسیندان گئجه لر، بیر آتا شرمنده دییر
بیر آنا ساچلارینی یولمادی، بایرام دی اوگون
کئچه جک لر گئدیلیبدیر، گئنه بلکه گئدیلر
چوخلای غصه یئییب، چوخلاری دا غم یئدیلر
یوخسولو وارلی دان، آیریان گونه بایرام دئدیلر
نه ایچون بیلمه دیلر، تک آدی بایرام دی اوگون
*

آرزو

شاعر: احمد شوقی تبریزی

ائیلر جمالین دلبرا، گُلشنده گوللر آرزو
بیر دم گونش، بیر دم قمر، بیر دم گؤزللر آرزو
نرگس، سنبل، لاله، هم رخسارین اوزره گؤزمه یه
چشم ایله زلف و چهره نه، دائم چکرلر آرزو
شیرین – شیرین گفتارینا، حسرت ده قالمیش من کیمی
قمری و بلبل چوخ ائدر طوطی دیللر آرزو
میگون لبین شهدین صنم،ایستر مریض ایچون دوا
بیمار خماری باده ائیلر هر زمان آرزو
عشقینده گویا کیم، عشاقلر قیلمیش طلب
خال زنخدانین لبی، او سوز دیللر آرزو
قاشنقه نسبت اولماغا خم ائیله میش قامتلرین
قوس هلال مثال دال اولموش ایدللر آرزو
پروانه وش او شمعینه، یانماق دیلر تا شوقی دک
جمله جهان اولموش ویران،ای جان کؤنوللر آرزو
*
قاشنقه: بو یازی جوغاتای اسکی ادبیات دیلینده ایشلنیردی
*

بی گناهیم دئمه باری توبه قیل جانیم اوغول

 

Ey dem-â-dem mazhar-ı tuğyân u isyânım oğul

ای دمادم مظهر عصیان و طغیان ، پسرم
Takmayan boynuna hergiz tavk-ı fermânım oğul

بر گردنت هرگز طناب فرمان نیاندازم ، پسرم
Ben kıyar mıydım sana ey Bâyezîd Hân‘ım oğul

من دلم می آمد ( به کشتنت ) ای بایزید خان ، پسرم؟
Bî-günâhım deme bâri tevbe kıl cânım oğul

حداقل نگو که بی گناهی، توبه کن جان و دلم پسرم

Enbiyâ vü evliyâ ervâh-ı a‘zam hakkiçün

به حق اولیا و انبیا و ارواح اعظم
Nûh u İbrâhim ü Mûsâ İbni Meryem hakkiçün

به حق نوح و ابراهیم و موسی و مریم
Hâtem-âsâr-ı nübüvvet Fahr-i Âlem hakkiçün

به حق ختم پیامبران افختار عالم
Bî-günâhım deme bâri tevbe kıl cânım oğul

حداقل نگو که بی گناهی، توبه کن جان و دلم پسرم

Âdem adın etmeyen Mecnûna sahrâlar durak

بر مجنونی که اسم آدم نیاورد ، صحراها مکان
Kurb-i ta‘atden kaçanlar dâ‘imâ düşer ırak

کسانی که از قرب و اطاعت می گریزند دور می شوند
Ta‘n değildir der isen Vâ hasretâ dârü‘l-firâk
Bî-günâhım deme bâri tevbe kıl cânım oğul

حداقل نگو که بی گناهی، توبه کن جان و دلم پسرم

Neş‘et-i Hakdır nübüvvet râm olan olur kerîm

نشات حق است نبوت ، فرمانبردار کریم می شود
Lâ-tekul üf kavlini inkâr eden kalır yetîm

لاتکول اف را هرکس انکار کند بی کس می ماند
Tâ‘ate isyâna alîmdür Hudâvend-i Kerîm

خداوند کریم بر اعمال عاصی عالم است
Bî-günâhım deme bâri tevbe kıl cânım oğul

حداقل نگو که بی گناهی، توبه کن جان و دلم پسرم

Rahm ü şefkat zîb-i îmân olduğun bilmez misin?

رحم و شفقت را که حسن ایمان است ، نمی دانی؟
Ya dem-i ma‘sûmu dökmeden hazer kılmaz mısın?

از ریختن خون معصومین حذر نمی کنی؟
Abd-i âzâd ile Hak dergâhına varmaz mısın

نمی خواهی همراه بنده آزاد به درگاه حق بشتابی؟
Bî-günâhım deme bâri tevbe kıl cânım oğul

حداقل نگو که بی گناهی، توبه کن جان و دلم پسرم

Hak reâyâ-yı mutî‘e râ‘î etmişdir beni

حق مرا منجی رعایای مطیع کرده است
İsterim mağlûb edem agnâma zîb-i düşmeni

می خواهم دشمن را مغلوب کنم
Hâşe lillâh öldürürsem bî-günâh nâgâh seni

حاشا که تو را بی گناه بکشم
Bî-günâhım deme bâri tevbe kıl cânım oğul

حداقل نگو که بی گناهی، توبه کن جان و دلم پسرم

Tutalım iki elin başdan başa kanda ola

فرض کنیم هر دو دستت آخشته به خون باشد
Çünki istiğfâr edersin biz de afv etsek n‘ola

وقتی توبه کنی ما هم ببخشیم ، چه می شود؟
Bâyezîdim suçunu bağışlarım gelsen yola

بایزیدم گناهت را می بخشم اگر هدایت شوی

Bî-günâhım deme bâri tevbe kıl cânım oğul

حداقل نگو که بی گناهی، توبه کن جان و دلم پسرم

*

منبع شعر : سریال محتشم یوز ایل قسمت 137 جواب سلطان سلیمان قانونی« محبّی » به پسر عصیانگرش شاهزاده بایزید

*

بی گناهیم حق بیلیر، دولتلی سلطانیم بابا

شاهزاده بایزید، قانونی سلطان سلیمانین اوغلو، ایران پادشاهی شاه طهماسب صفویه سیغیناندان سونرا، باباسی سلطان سلیمانا شعر شکلینده بیر عفو نامه یازدی.

Ey serâser âleme sultân Süleymânum baba
ای سلطان سراسر عالم ، سلیمان ، پدر
Tende cânum cânumun içinde cânânum baba
جان و دلم ، جانانم ، پدر
Bâyezidine kıyar mısun benüm cânum baba
دلت می آید( به کشتن)فرزندت بایزید، پدر؟ 
Bî-günâhım Hak bilür devletlü sultânum baba
بی گناهم ، حق آگاهست سلطانم ، پدر
Enbiyâ ser-defteri ya‘ni ki Âdem hakkıçün
به حق سردار انبیا ، یعنی حضرت آدم
Hem dahi Mûsî ile Îsî-i Meryem hakkıçün
هم به حق موسی و عیسی بن مریم
Kâinâtın serveri ol Ruh-ı a‘zam hakkıçün
هم به حق کائنات عالم آن اسم اعظم
Bî-günâhım Hak bilür devletlü sultânum baba
بی گناهم ، حق آگاهست سلطانم ، پدر
Sanki Mecnûnum bana dağlar başı oldu durak
همچو مجنون کوه و صحرا مسکنم شد
Ayrılup bi‘l-cümle mâl ü mülkden düştüm ırâk
از مال و ملک دور افتاده و گشتم جدا
Dökerüm göz yaşını vâ-hasretâ dâd el-firâk
با اشک چشمم می کشم داد از فراق
Bî-günâhum Hak bilür devletlü sultânum baba
بی گناهم حق آگاهست ، سلطانم  پدر
Kim sana arz eyleye hâlüm eyâ şâh-ı kerîm
چگونه حالم را برایت شرح دهم ای شاه کریم
Anadan kardaşlarumdan ayrılup kaldım yetîm
از مادر و خواهرانم جدا و گشتم نیتیم
Yok benüm bir zerre isyânum sana Hakdur alîm
عصیانی بر تو نکریم حق هست شاهدم
Bî-günâhum Hak bilür devletlü sultânum baba
بی گناهم حق آگاهست ، سلطانم پدر
Bir nice ma‘sûmum olduğun şehâ bilmez misün
ای شاه چگونه معصومیتم را نمی دانی؟
Anlarun kanuna girmekden hazer kılmaz mısun
مسبب ریخته شدن خونم نمی شوی ؟
Yoksa ben kulunla Hak dergâhına varmaz mısun
یا که در حق من به درگاه حق نمی روی؟
Bî-günâhım Hak bilür devletlü sultânum baba
بی گناهم حق آگاهست ، سلطانم پدر
Tutalum iki elim baştan başa kanda ola
گیرم که دو دستم سراتاپا خون آلود باشد
Bu meseldür söylenür kim kul günâh itse n‘ola
مثلی است که می گوید بنده گناه کند چه می شود
Bâyezîd‘ün suçunı bağışla kıyma bu kula
گناه بایزید را ببخش به ( کشتن )این بنده ات دلت نیاید
Bî-günâhım Hak bilür devletlü sultânum baba
بی گناهم حق آگاهست ، سلطانم پدر

*

منبع شعر : قسمت 138 سریال محتشم یوز ایل ( سده ی باشکوه )

یار هوسینده

یار هوسینده - علی آقا واحد

من عالمه منت چکیرم یار هوسینده

یاریمسا گزیر شوقیله اغیار هوسینده

بیلمه م بو نئجه سیردیر، حکمت دیر، ازلدن

بولبول گوله مایل، گول اولور خار هوسینده

مئی اوخشاماسا لب لرینه، قرمیزی لیقدا

بیر کیمسه تاپیلماز مئی گولنار هوسینده

هر گون اوزونو گؤرمه یه حسرت چکیر عالم

گول فصلی اولار، ائل هامی گولزار هوسینده

بیلمه م نه گؤروب زولف ده مجنون کیمی کؤنلوم

سرگشته دیر اول طره طرار هوسینده

عاشق سئویر اول شوخی، تعجب لی بودورکی

یوزلرجه گؤزللرده اونون وار هوسینده

واحد یئنه قیمت چوخالیب، یوسف شعره

گوهر ساتیلار، اولسا خریدار هوسینده

*

دلی کؤنلوم - بابک قوجا اوغلو

دلی کؤنلوم

اوجا اوجا داغلار آشیر
عاشیق سایاق نغمه قوشور
سنی گؤروب بیردن چاشیر
دلی کؤنلوم ، دلی کؤنلوم

حادثه لر اوزه رینده
خوش دور منه دردسرینده
یازیب عؤمور دفتریمده
دلی کؤنلوم ، دلی کؤنلوم

اللرینی توتان دا من
تئللرینده باتان دا من
یاتمایاجاق یاتاندا من
دلی کؤنلوم ، دلی کؤنلوم

بیر گون گلر گولرسن سن
گؤز یاشیمی سیلرسن سن
نئجه سئویب ،بیلرسن سن
دلی کؤنلوم ، دلی کؤنلوم

اوزاناجاق یوللار سنه
داریخاجاق قوللار سنه
بابک قوربان اولار سنه
دلی کؤنلوم ، دلی کؤنلوم …
"بابک قوجازاده

*

سن سیز - بابک قوجا اوغلو

سن سیز

هله ده او گؤزلر منیم چون دنیز

هله دوننلرده یاشار ایکیمیز

سن من سیز

من کیمسه سیز

گه زیریک هله

کوچه میز سن سیز

تبریزیم سن سیز

هر نه ییم سن سیز

بیر آددیم اوزاقدا

دایانمیسان سن

سون گؤروش اولدو

بو آخشام بیزه

اوزاقلار حالیما

یامان اوخشاییر

اؤتوشن آیلاریم ایللریم سن سیز

بیر آددیم اوزاقدا

ایتیب گؤزومدن

هارا گئتدین بوردان تله سیک آی دوست؟

بیر آددیم اوزاقدا

اوره ییم چیرپیر

اوره ییم الینده

اللریم سن سیز

هله ده سن سیزم

هله ده سن سیز

اللریم – قوللاریم

گؤزلریم سن سیز

هر گئجه گؤردویوم

گؤزلریم سن سیز

رؤیالار سن سیز

تبریزیم سن سیز

وطنیم سن سیز

هر نه ییم

هر نه ییم

هر نه ییم سن سیز

*

بی تو

هنوز هم آن چشها برایم دریا هستند

هنوز هم در گذشته ها زندگی می کنیم

تو بی من

من بی کس

هنوز می گردیم

کوچه مان بی تو

تبریزمان بی تو

همه چیزم بی تو

یک قدم دورتر

ایستاده ای تو

دیدار آخر است

امشب

دور دست ها

عجیب شبیه حال من است

ماههای گذشته ام

سالهایم بی تو

یک قدم دوردستها

از چشمان دور شده

کجا رفتی ای دوست با این عجله

یک قدم دوردستها

قلبم می زند

دلم در دستانت

دستانم بی تو

هنوز هم بی توام

هنوز هم بی تو

دست و بازیم

چشمانم بی تو

رویاهای شبانه ام

بی تو

تبریزم بی تو

وطنم بی تو

همه چیزم

همه چیزم

همه چیزم بی تو

*

 

اولماز - حسین غفّاری اردبیلی

حضرت عبّاس
اشراره قرض اولدو مقابل شرف الناس
سعد اوغلونا اوز توتدو خطاب ائیله دی عباس
بو غائله دن سیزلره کسب ثمر اولماز
انسان بو قدر سیز کیمی کوته نظر اولماز
سرمایه ااسلامیزی تاراجه وئریبسیز
بوندان بشره بیلسؤز آغیر بیر ضرر اولماز
رهبر ائله دیز امته سگ باز شروری
مست ائیله مه سه اگر سحر اولماز
اسلامی سالیب پیچ و خمه فقر و فلاکت
رهبر بوقدر امته نادادگر اولماز
آیا بونو درک ائیله مییرسیز کی زناکار
اسلامه خیانت ائلین راهبر اولماز
بیر سر نهان حج ده وار رای جبرده
حجاج اونو بیلمسه حج معتبر اولماز
معناسی بودو دشمن دینی داشا باغلا
یوخسا ائله داشدان -  داشا جنگ جمل اولماز
آی نامه یازانلار هانی بس قول و قراریز
سیزلرده وفا یوخدی سؤزوزده اثر اولماز
ائو صاحیبینین ذره اگر غیرتی اولسا
مهمانلاری چؤللرده سوسوز دربدر اولماز
گهواره ده الان چابالیر تشنه دیر اصغر
بیر جرعه سو اولسا ننه سی خون جگر اولماز
من عترت زهرایه کمر بسته غلامم
سینم کیمی قارداشیما محکم سپر اولماز
هر قیمته اولسا آلارام نهر فراتی
مانع منه بو ایش ده اوتوز مین نفر اولماز
گلسین قاباغا کیمدی اگر واردی شجاعت
گؤرسون کی علی اوغلو بدون هنر اولماز
هر گردنه سر پنجه پر زوریم ایلیشسه
مین رهگذر اولسا اونا راه گذر اولماز
میدانده بیر نیزه اگر لشگره آتسام
مین سینه نی دللم، تیریم ده هدر اولماز