اوره گیم یاندی کباب اولدو آجیندان، باهالیق
طاقچادا، توزلو قالیب ثددان و چایدان، باهالیق
قند کی اعیان مالیدیر، دای تاپابیمم کیشمیش
دای گؤرونمور گؤزومه، سبزی بادیمجان، باهالیق
من پسشسک تک اتی گؤرجک قاچیرام
باح جاج عسگر آپاریر راستانی یاریدان، باهالیق
چون منیم بوشدو جیبیم، یوخدو ریال دان خبریم
اودوکی خالق دئییر آژدا یوخ ایمان، باهالیق
پول اولوب جین، من اولدوم بسم الله
هاردا آللاه آدی گلسه، قاچاجاخ جین، باهالیق
اوکو دولتیلی سنه آچمییاجاخدیر قاپیسین
کاسیبین یوخ قاپیسی وئرمه یه میدان ، باهالیق
کارمندین حقوقو اون گونو، چوخ زور گؤرورو
باغیسان گئتمه لیدیر آللاها مهمان، باهالیق
زارعین بورجو قالیر بانگا، تعاون دوکانا
داها قویمور یاخینا صاحب دوکان، باهالیق
دویو گؤرسه اوشاغیم، غش ائلییرات چاغیریر
اتی گیرسین گؤزونه، یوخدو یئآلمان باهالیق
گئت حاج عزّت گیله، سن گؤر نه یئییر، عشق ائلییر
فقرانین قویوسان آدینی نادان، باهالیق
منده پول یوخدو آلاما اوغلوما بیر جوت باشملخ
تومنی یوز تومنه ساتدی حاج عومران، باهالیق
دئمیرم تک دیزنی، ورزقانی،اوخارانی
بلکی بوردان پیس اولوب تبریز و تهران، باهالیق
بیری اطلس گئیری، بیرسی تاپانمیر پالازی
ایندی دونیا بئله دی، تنها نه ایران، باهالیق
محتکر ییخدی ائویم ائیله دی دونیادا اسیر
دیک توتوبدور قولاغین، بو دلی حیوان، باهالیق
گؤرسه دریندده دوروبدور کاسیبین گول بالاسی
اوگونو اوغلو گئییر اطلس و الوان، باهالیق
اولارا دین پول و ایمان پول و ایمان پولدو
چونکو اصلا اولارا گلمییب ایمان، باهالیق
بار ایلاها سن اؤزون محتکیری ائیله زبون
بلکی آز سکته ائده مرد مسلمان، باهالیق
بخشی آز ناله و فریاد و فغان نغمه سی دئی
صاف سویون وار، چؤرگین،توستولو قلیان، باهالیق
